Momente frike të madhe në Portugali gjatë ndeshjes së kampionatit të Sporting Lisbona në transfertën e Portimonense, që në fund u mbyll me fitoren e vendasve 4-2. Portieri i bardhejeshilëve, Romain Salin,ka humbur ndjenjat pasi përplasi kokën me shtyllën në tentativë për të bllokuar një goditje drejt portës. Portieri mbeti pa shenja jete përtokë dhe rrezikoi të mbytej, por përpara futjes në fushë të mjekëve, pikërisht në ditën e datëlindjes, shoku i tij i skuadrës, Sebastian Coates, ka dhënë ndihmën e parë të shpejtë duke arritur ti nxjerrë gjuhën jashtë për ti lejuar të merrte frymë e duke i shpëtuar në këtë mënyrë jetën portierit.