Një nga boksierët më të suksesshëm në Shqipëri, Albi Sorra, eshte rrefyer per nje televizion shqiptar ne te cilin ka treguar shume detaje rreth karrierës së tij dhe boksit. Fitues i shumë medaljeve kombëtare dhe ndërkombëtare, me një karrierë 15 vjeçare rrëfeu karrierën dhe vështirësitë e tij në Rusi.“Unë kam studiuar në Rusi për sport. Atje boksi është në majat më të larta dhe për këtë arsye mendova të lidh mirë arsimin me sportin”. I pyetur se cilat janë vështirësitë me të cilat është përballur në Rusi, boksieri u shpreh :”Në pamje të parë ashtu duket, por duke qenë se komuniteti i sportit fal shumë lehtësira, në kuptimin që nuk ka shumë paragjykime dhe njerëzit janë shumë të dashur dhe nuk kam pasur problem”. Sorra tregoi se nëse do t’i jepej mundësia për t’u larguar nga vendi do ta bënte një gjë të tillë, pasi sipas tij, Shqipëria nuk i mbështet sportistët.